JARDUNALDIA: “64/2024 DEKRETUA: AUKERA BERRIAK”
Euskal Autonomia Erkidegoko musika- eta dantza-eskolak arautzen dituen 64/2024 Dekretua argitaratu ondoren, aukera berriak zabaldu dira. Horregatik, Musika eta Dantza Eskolen Elkartetik jardunaldi pedagogiko bat antolatu dugu azaroaren 16an, Bilboko Bidarte Jauregian (Agirre Lehendakariaren Etorb., 42, Deusto, 48014 Bilbo, Bizkaia), honako gai hauek jorratzeko:
10:00 Nerea Goikoetxea: ERABAKI BERRIAK, ATEAK IREKIZ: ongi etorri nagusiak musika eskolara
Musika-eskolak garen aldetik, gure komunitateari zerbitzu emateko eta musika guztiontzat eskuragarri egiteko konpromisoa dugu. Dekretu berriak aukera ematen digu gure eragin soziala zabaltzeko eta publiko berriengana iristeko. Ildo horretan, gure adinekoekin egiten dugun lana bat dator gure helburuekin, hau da, biztanle guztien bizi-kalitatea hobetzen lagunduko duten musika-programa inklusiboak eta aberasgarriak eskaintzeko helburuarekin. Esperientzia pertsonal batek gidatuta, proiektu horretarako bidea egingo dugu.
11:00 Beatriz García: MUSIKA HEZKUNTZA GOIZTIARRA
Zergatik hasi adin goiztiarretan? Zer gaitasun ditu haurrak jaio aurretik eta ondoren? Zer onura ditu musika-hezkuntza goiztiarrak? Zer lantzen da? Nola? Galdera horiei erantzuteko, haurraren garapena, gaitasunak, estimuluen garrantzia eta ikerketarik esanguratsuenak ezagutuko ditugu. Modu praktikoan jarraituko dugu ikasgelako helburuekin, edukiekin, metodologiarekin, materialarekin eta egiturarekin.
Musika tresna aparta da haurraren garapen integrala bultzatzeko.
12:00 ATSEDENALDIA
12:30 Patxi Laborda – MUSIKA DANTZA DEZAGUN
Ikastaro honetan dantzan arituko gara lurrean egiten diren erritmoak landuz. Erritmo hauek gainerako gorputzari modu naturalean helarazten zaizkie orkatiletatik, belaunetatik eta aldakatik, eta horregatik atala hauek behar bezala erabili behar dira. Beraz, lana dantzatuko dugun musika ulertzera eta oinekin erritmoak behar bezala jotzera bideratzen da.
Ulertu behar dugu, halaber, dantza egiten dugunean dantzari onek kontrolatu behar duten inertzia eta karga etengabeko jokoa, desplazamenduak lan eginez. Hori guztia dantza sistemen ulermenetik inprobisazioa eta sorkuntza azpimarratuz.
13:30 Amaiera
Jardunaldiaren prezioa: 50€ bazkideentzat eta 75€ bazkideak ez direnentzat.
Jardunaldia bukatzean, EHMEk bazkari bat antolatu du “Deustuarrak” tabernan gelditu nahi dutenentzat. Bazkarira gelditu nahi duenak jakinarazi behar dio elkarteari e-mail bitartez azaroak 8a baino lehen edo aukera galduko du. Emailean izen-abizenak eta alergiarik edo menu berezirik behar duen adierazi behar da: ehme@ehme.eu
